hawa jab diye ko bujhane lagi

havā jab diye ko bujhāne lagī

mujhe aap kī yaad aane lagī

bhalā us kā maiñ ne bigāḌā hai kyā

ye duniyā mujhe kyuuñ satāne lagī

tire dar pe aake mujhe ye lagā

mirī zindagī ab Thikāne lagī

huā kyā vahāñ ye na pūchho miyāñ

baġhāvat jahāñ sar uThāne lagī

chaman meñ ye kaun aaj aane ko hai

havā chādar-e-gul bichhāne lagī

sitam hai vahī yaad aayā bahut

jise apne dil se bhulāne lagī

nigāhoñ meñ phir mausam-e-hijr hai

udāsī har ik samt chhāne lagī

mire dil meñ ab dard uThne lagā

mohabbat tirī rañg laane lagī

hawa jab diye ko bujhane lagi

mujhe aap ki yaad aane lagi

bhala us ka main ne bigaDa hai kya

ye duniya mujhe kyun satane lagi

tere dar pe aake mujhe ye laga

meri zindagi ab Thikane lagi

hua kya wahan ye na puchho miyan

baghawat jahan sar uThane lagi

chaman mein ye kaun aaj aane ko hai

hawa chadar-e-gul bichhane lagi

sitam hai wahi yaad aaya bahut

jise apne dil se bhulane lagi

nigahon mein phir mausam-e-hijr hai

udasi har ek samt chhane lagi

mere dil mein ab dard uThne laga

mohabbat teri rang lane lagi