mere dard-e-dil ki kuchh bhi jo tujhe KHabar nahin hai

mire dard-e-dil kī kuchh bhī jo tujhe ḳhabar nahīñ hai

ye batā de mujh ko kyā tū mirā chāra-gar nahīñ hai

jo ye intihā nahīñ hai mire sabr kī to kyā hai

ki bharā hai ġham se siina magar aañkh tar nahīñ hai

ye rah-e-vafā meñ tere jo nuqūsh-e-pā haiñ raushan

kisī lamha gumrahī kā mire dil ko dar nahīñ hai

tire ġham se ho jo ḳhālī na vo dil hī dil hai pyāre

jo tujhe na dekh paa.e vo nazar nazar nahīñ hai

tirī justujū meñ āḳhir maiñ kahāñ pahuñch ga.ī huuñ

mujhe kuchh pata nahīñ hai mujhe kuchh ḳhabar nahīñ hai

vo gulāb hī nahīñ hai jo ho be-niyāz bū se

jo ho dard-o-ġham se ḳhālī vo dil bashar nahīñ hai

kabhī ḳhauf koh-o-dariyā kabhī rañj dasht-o-sahrā

na hoñ jis meñ mushkileñ vo mirī rahguzar nahīñ hai

mere dard-e-dil ki kuchh bhi jo tujhe KHabar nahin hai

ye bata de mujh ko kya tu mera chaara-gar nahin hai

jo ye intiha nahin hai mere sabr ki to kya hai

ki bhara hai gham se sina magar aankh tar nahin hai

ye rah-e-wafa mein tere jo nuqush-e-pa hain raushan

kisi lamha gumrahi ka mere dil ko dar nahin hai

tere gham se ho jo KHali na wo dil hi dil hai pyare

jo tujhe na dekh pae wo nazar nazar nahin hai

teri justuju mein aaKHir main kahan pahunch gai hun

mujhe kuchh pata nahin hai mujhe kuchh KHabar nahin hai

wo gulab hi nahin hai jo ho be-niyaz bu se

jo ho dard-o-gham se KHali wo dil bashar nahin hai

kabhi KHauf koh-o-dariya kabhi ranj dasht-o-sahra

na hon jis mein mushkilen wo meri rahguzar nahin hai