مری بے کسی کا بیاں ہو کیا مرا حال کس پہ عیاں نہیں

مری بے کسی کا بیاں ہو کیا مرا حال کس پہ عیاں نہیں

وہ فغاں ہوں جس میں اثر نہیں وہ شرر ہوں جس کا دھواں نہیں

مجھے سوز و غم نےجلا دیا میرے نام کا بھی نشاں نہیں

وہ شہ ہوں جس میں چمک نہیں وہ ہوں آگ جس میں دھواں نہیں

ارے زخم جور و جفا ہوں میں ہمہ تن اسیر بلا ہوں میں

تجھے کیا بتاؤں میں چارہ گر کہ کہاں ہے درد کہاں نہیں

وہ قتیل ظلم و شباب ہوں وہ اسیر خانہ خراب ہوں

مرا نام تو ہے نشاں نہیں جو ہوں میں تو میرا مکاں نہیں

میں ادھر سے پھر ادھر آوں کیوں میں حرم سے دیر کو جاؤں کیوں

جو وہاں گیا وہ یہاں نہیں جو یہاں گیا وہ وہاں نہیں

یہ ہے فرق اصل میں نقل میں یہ ہے فرق آب میں عکس میں

کہ زباں ہے منہ میں اسی کے بس مگر اس کے منہ میں زباں نہیں