موسم پیری میں قد دلربا یاد آ گیا

موسم پیری میں قد دلربا یاد آ گیا

ٹھوکریں کھانے لگے جب ہم عصا یاد آ گیا

مدتوں بھولا رہا میں اس وجود آباد میں

جب کمر دیکھے عدم کا راستا یاد آ گیا

ان کے ہونٹوں کے تصور میں رہا پہروں ہی میں

اے خضر جب چشمۂ آب بقا یاد آ گیا

جا رہے ان کعبہ رویوں کی گلی میں چند روز

جب کبھی ہم کو مقام باصفا یاد آ گیا

دیدۂ خو بنارسے بہنے لگی دریائے خون

ان کے ہاتھوں کا مجھے رنگ حنا یاد آ گیا

عکس رخ کا ہو گیا دھوکا جو چھٹکی چاندنی

دیکھتے ہی ماہ کو تلوا ترا یاد آ گیا

موت کی تلخی حلاوت سے مبدل ہو گئی

جاں کنی میں دلبر شیریں ادا یاد آ گیا

بعد مدت آرزو شاہی کی مرقد میں ہوئی

استخواں کچھ رہ گئی باقی ہما یاد آ گیا

بے جہت کوئی کسی کا منتظر رہتا ہے فیضؔ

راستہ بھولا تو مجھ کو رہنما یاد آ گیا