عشق ہے دل کو ستاتا رات دن

عشق ہے دل کو ستاتا رات دن

یار ہے مکھڑا چھپاتا رات دن

عشق ہادی کی ہدایت اور ہے

کان میں میری سناتا رات دن

ہجر کس کا وصل کس کو کہتے ہیں

وہم باطل ہے ستاتا رات دن

یار کیا مکار دھوکے باز ہے

ہے مجھے کیا کیا سجھاتا رات دن

آپ ہے خود کہہ رہا انی انا

مجھ کو دھو کے میں ہے پاتا رات دن

آپ خود موجود ہے ہر شان میں

آپ کو کیوں ہے چھپاتا رات دن

میراںؔ شاہ قدموں تلے مخدوم کے

دمبدم سر ہوں جھکاتا رات دن