یہ یکتائی ہے ان کا روئے زیبا دل کی صورت ہے

یہ یکتائی ہے ان کا روئے زیبا دل کی صورت ہے

ہمارے قلب روشن کا سویدا تل کی صورت ہے

ہوئے ہم دم بخود حیراں ہے لب پر مہر خاموشی

یہ رخ کی یہ دہانِ یار کی یہ تل کی صورت ہے

جگر ہو سبز داغوں سے بہے دل آتش غم سے

ہوائے لالہ رویاں میں یہی حاصل کی صورت ہے

نہ ہوں دریا دلوں کے قرب سے کم ظرف مستغنی

صدف کے کف میں یکسر کاسۂ سائل کی صورت ہے

مگر یہ بھی بتوں کی چہرۂ سمیں کا ہے کشتہ

عیاں آئینہ سیماب میں بسمل کی صورت ہے