mohabbat di to aisi ki mohabbat di muqaddar mein

mohabbat dī to aisī kī mohabbat dī muqaddar meñ

mah-e-nau dekh kar dekhī jo sūrat āb-e-ḳhanjar meñ

lahū kahte haiñ jis ko vo kahāñ shaidā-e-muztar meñ

ba-rañg-e-ḳhūñ chhalaktā hai ġham-e-dil dīda-e-tar meñ

huā kartī hai nafrat bhī na ye nafrat qayāmat ke

ki saaya mujh se rahtā hai gurezāñ koī dilbar meñ

nahīñ ma.alūm kis kis kā lahū ḳhanjar ne chāTā hai

ki har jauhar ba-rañg-e-gul hai mauj-e-āb-e-ḳhanjar meñ

masarrat vasl kī kyā ho jo guzre bātoñ bātoñ meñ

ḳhayāl-e-shām-e-furqat meñ payām-e-sub.h-e-ḳhāvar meñ

gavārā kis ko ho saaqī ye bū-e-ġhair sahbā ke

kisī ne pī hai sāġhar meñ jo bū hai ġhair-e-sāġhar meñ

ga.e pahlū se tum kyā ghar meñ hañgāma thā mahshar kā

charāġh-e-sub.h-gāhī meñ jamāl-e-sham-e-anvar meñ

masarrat dil kī kahte hai ki muñh se sham-e-mahfil ke

barābar phuul jhaḌte haiñ koī aane ko hai ghar meñ

hamāre vasl kī shab bhī ajab tashvīsh meñ guzrī

talāsh-e-vasl meñ dil thā nigāheñ sub.h-e-ḳhāvar meñ

na tum zid apnī chhoḌoge na ham se vaz.a chūTegī

chalo bas ho chukā milnā nahīñ milnā muqaddar meñ

kuchh us ke dil meñ zikr-e-vasl aisā chhup ke baiThā hai

vafā muzmar ma.ānī meñ ma.ānī vaqf-e-masdar meñ

taqāzā sun ke kahte haiñ ye sūrat hai bulāne kī

koī muñh pahle banvā.e bulā.e phir hameñ ghar meñ

huā hai zauq ārā.ish kā phir us husn-ārā ko

koī de de uThā kar ā.īna dast-e-sikandar meñ

agar ham tum salāmat haiñ kabhī khul jā.egī qismat

isī daur-e-layālī meñ isī gardūñ ke chakkar meñ

jalātā hai mujhe ye maah se mahtāb ban ban kar

guzartī hai qayāmat mujh pe yād-e-rū-e-dil-bar meñ

hameñ nisbat hai jannat se ki ham bhī nasl-e-ādam haiñ

hamārā hissa 'rāqim' hai iram meñ hauz-e-kausar meñ

mohabbat di to aisi ki mohabbat di muqaddar mein

mah-e-nau dekh kar dekhi jo surat aab-e-KHanjar mein

lahu kahte hain jis ko wo kahan shaida-e-muztar mein

ba-rang-e-KHun chhalakta hai gham-e-dil dida-e-tar mein

hua karti hai nafrat bhi na ye nafrat qayamat ke

ki saya mujh se rahta hai gurezan koi dilbar mein

nahin malum kis kis ka lahu KHanjar ne chaTa hai

ki har jauhar ba-rang-e-gul hai mauj-e-ab-e-KHanjar mein

masarrat wasl ki kya ho jo guzre baaton baaton mein

KHayal-e-sham-e-furqat mein payam-e-subh-e-KHawar mein

gawara kis ko ho saqi ye bu-e-ghair sahba ke

kisi ne pi hai saghar mein jo bu hai ghair-e-saghar mein

gae pahlu se tum kya ghar mein hangama tha mahshar ka

charagh-e-subh-gahi mein jamal-e-sham-e-anwar mein

masarrat dil ki kahte hai ki munh se sham-e-mahfil ke

barabar phul jhaDte hain koi aane ko hai ghar mein

hamare wasl ki shab bhi ajab tashwish mein guzri

talash-e-wasl mein dil tha nigahen subh-e-KHawar mein

na tum zid apnī chhoDoge na hum se waza chuTegi

chalo bas ho chuka milna nahin milna muqaddar mein

kuchh us ke dil mein zikr-e-wasl aisa chhup ke baiTha hai

wafa muzmar maani mein maani waqf-e-masdar mein

taqaza sun ke kahte hain ye surat hai bulane ki

koi munh pahle banwae bulae phir hamein ghar mein

hua hai zauq aaraish ka phir us husn-ara ko

koi de de uTha kar aaina dast-e-sikandar mein

agar hum tum salamat hain kabhi khul jaegi qismat

isi daur-e-layali mein isi gardun ke chakkar mein

jalata hai mujhe ye mah se mahtab ban ban kar

guzarti hai qayamat mujh pe yaad-e-ru-e-dil-bar mein

hamein nisbat hai jannat se ki hum bhi nasl-e-adam hain

hamara hissa 'raqim' hai iram mein hauz-e-kausar mein