dida-e-pur-ab ki dariya-dili kuchh kam nahi

dīda-e-pur-āb kī dariyā-dilī kuchh kam nahii.

hijr ke maare huoñ kī zindagī kuchh kam nahii.

rāz-e-mai-kHāna ho ifshā yā vo poshīda rahe

tishnā-e-kāmāñ azal kī tishnagī kuchh kam nahīñ

kah rahī hai sub.h ke be-nūr tāroñ kī chamak

tergī-e-shām-e-ġham kī raushnī kuchh kam nahii.

rah-guzār-e-mārfat tak ho rasā.ī yā na ho

jazba-e-pur-shauq kī vāraftagī kuchh kam nahii.

tū agar nāzāñ hai apne husn par mehr-o-mubīñ

dil bhī vo zarra hai jis kī raushnī kuchh kam nahii.

sajda-e-makr-o-riyā ne kar diyā rusvā-e-kHalq

varna zāhid terā zauq-e-bandagī kuchh kam nahii.

be-kHudī-e-shauq meñ 'afsar' ḳhudī kā kyā savāl

ishq ke har gaam par dīvāngī kuchh kam nahii.

dida-e-pur-ab ki dariya-dili kuchh kam nahi

hijr ke mare huon ki zindagi kuchh kam nahi

raaz-e-mai-kHana ho ifsha ya wo poshida rahe

tishna-e-kaaman azal ki tishnagi kuchh kam nahin

kah rahi hai subh ke be-nur taron ki chamak

tergi-e-sham-e-gham ki raushni kuchh kam nahi

rah-guzar-e-marfat tak ho rasai ya na ho

jazba-e-pur-shauq ki waraftagi kuchh kam nahi

tu agar nazan hai apne husn par mehr-o-mubin

dil bhi wo zarra hai jis ki raushni kuchh kam nahi

sajda-e-makr-o-riya ne kar diya ruswa-e-kHalq

warna zahid tera zauq-e-bandagi kuchh kam nahi

be-kHudi-e-shauq mein 'afsar' KHudi ka kya sawal

ishq ke har gam par diwangi kuchh kam nahi