jis ke tum dilbar ho jis dil mein tumhaari yaad ho

jis ke tum dilbar ho jis dil meñ tumhārī yaad ho

vo hamesha ḳhaak chhāne vo sadā barbād ho

karke zaḳhmī chal diyā vo maiñ ye kahtā rah gayā

aur bhī ik vaar mujh par o sitam-ījād ho

mus.haf-e-ruḳhsār-e-jānāñ hifz karnā chāhiye

hāfiz-e-qur.āñ vahī hai jis ko qur.āñ yaad ho

sair kar de ab ki gulshan-bīñ hai hañgām-e-bahār

ham asīroñ kī rihā.ī ab to ai sayyād ho

rahzan-e-īmān tū jalva dikhā jaaye agar

but pujeñ mandir meñ masjid meñ ḳhudā kī yaad ho

huur kā dil chhīnte ho jin kī tum lete ho jaañ

par katarte ho parī ke aur ādam-zād ho

paḌhte rahte haiñ tumhārā hī sabaq ye aur tum

āshiqoñ ko bhuul jaate ho baḌe ustād ho

ham kareñ mashq-e-mohabbat tum kaaro mashq-e-sitam

harf jis ke ḳhūbsūrat hoñ usī par saad ho

qatl hone par maiñ raazī huuñ magar ye shart hai

tere hāthoñ se gale par ḳhanjar-e-faulād ho

jo tumhārī baat hai hai vo zamāna se judā

shoḳhiyāñ ījād karte ho baḌe ustād ho

khīñch kar talvār 'akbar' par chale ho be-dareġh

be-gunah ko qatl karte ho baḌe jallād ho

jis ke tum dilbar ho jis dil mein tumhaari yaad ho

wo hamesha KHak chhane wo sada barbaad ho

karke zaKHmi chal diya wo main ye kahta rah gaya

aur bhi ek war mujh par o sitam-ijad ho

mushaf-e-ruKHsar-e-jaanan hifz karna chahiye

hafiz-e-quran wahi hai jis ko quran yaad ho

sair kar de ab ki gulshan-bin hai hangam-e-bahaar

hum asiron ki rihai ab to ai sayyaad ho

rahzan-e-iman tu jalwa dikha jaye agar

but pujen mandir mein masjid mein KHuda ki yaad ho

hur ka dil chhinte ho jin ki tum lete ho jaan

par katarte ho pari ke aur aadam-zad ho

paDhte rahte hain tumhaara hi sabaq ye aur tum

aashiqon ko bhul jate ho baDe ustad ho

hum karen mashq-e-mohabbat tum karo mashq-e-sitam

harf jis ke KHubsurat hon usi par sad ho

qatl hone par main raazi hun magar ye shart hai

tere hathon se gale par KHanjar-e-faulad ho

jo tumhaari baat hai hai wo zamana se juda

shoKHiyan ijad karte ho baDe ustad ho

khinch kar talwar 'akbar' par chale ho be-daregh

be-gunah ko qatl karte ho baDe jallad ho