شہید ناز وادا کے ہلاک دیکھے ہیں

شہید ناز وادا کے ہلاک دیکھے ہیں

چمن میں لالہ وگل سینہ چاک دیکھے ہیں

وہ گل بدن کہ گراں تھی نسیم صبح جنہیں

ہزار حیف کہ پیوندِ خاک دیکھے ہیں

ادا ادا سے ادائیں ہیں پیش آئینہ

کسی کے دیکھنے کے انہماک دیکھے ہیں

حیا سے مہر بہ لب تھے جو دست گل چیں میں

وہ غنچے ہاروں میں دل چاک چاک دیکھے ہیں

کسی کے پا کی داماں کی بات جب نکلی

تو ہم نے اپنے بھی داماں کے چاک دیکھے ہیں

خزاں مآل بہاروں کے شعبدے صائب

بڑے حسین مگر درد ناک دیکھے ہیں