میرے بیان غم پہ جو آنسو نکل پڑے

میرے بیان غم پہ جو آنسو نکل پڑے

اس تند خو کی اور بھی تیوری پہ بل پڑے

پروانے جوش رقص میں بیتاب چل پڑے

رسم وفا پہ شمع کے آنسو نکل پڑے

رہنے بھی دیجے تذکرہ عشق وعاشقی

ایسا نہ ہو کہ بات کوئی اور چل پڑے

اس چشم فتنہ گر کی لگاوٹ تو دیکھیے

جھوٹی تسلیوں میں بھی آنسو نکل پڑے

مرگ حضور حسن حیات دوام ہے

بے وجہ بے سبب تو نہ پروانےچل پڑے

ان کو عتاب میں نہ رہا تن بدن کا ہوش

محرم کے بند توڑ کے قیدی نکل پڑے