ہم اپنے عشق کی رنگیں حکایت کہہ نہیں پاتے

ہم اپنے عشق کی رنگیں حکایت کہہ نہیں پاتے

نہ رسوا ہو کہیں حسن محبت کہہ نہیں پاتے

مشابہ ہے بہت کچھ پھر بھی سن لواے چمن والو

کہ ہم صبح وطن کو شامِ غربت کہہ نہیں پاتے

نظر کے سامنے ہے جو مناسب ہو وہ دے دیدیجئے

ہم اپنے منہ سے اپنے دل کی قیمت کہہ نہیں پاتے

یہ مانا خوف ہے دارو رسن کا حق کے کہنے میں

مگر اندھیر ہے ظلمت کو ظلمت کہہ نہیں پاتے

تیرے جلوے نظر کے سامنے ہر وقت رہتے ہیں

مگر کیسی ہے تیری شکل وصورت کہہ نہیں پاتے