عشق آیا اس صنم کا جان و دل میں برملا

عشق آیا اس صنم کا جان و دل میں برملا

وہ لگا پیارا ہمیں اور دل ہوا اس پر فدا

ذکر میں اور فکر میں رہنے لگا وہ روز و شب

فکر میں اسرار کے در کھل گیے ہیں با خدا

خود پتہ دینے لگا دل اپنی ہستی کا ہمیں

ہو گیا خود آپ ہی اپنا دلا تو رہنما

کچھ تو ہے جس کو کیا تسلیم دل نے دور سے

اور پھر اس درد میں دیدار کا پایا مزا

دید ہی سے پاتا ہے فرحت کسی عاشق کا دل

دید سمجھو جب رہ حق میں خوشی ہو دل ترا

شکر کر محسنؔ کہ تیرے دل میں کشش یار ہے

وہ خوشی تجھ پر ہوا اور تو ہوا اس پر فدا