عشق اللہ کا ساغر پی کر مست الست کہلایا او یار

عشق اللہ کا ساغر پی کر مست الست کہلایا او یار

کن فیکون سے تھا جو پہلے دل میں وہ ہی سمایا او یار

من مسجد اور روح نمازی عشق امام بنایا او یار

کعبہ درد ہجر کا جانا جس میں آن سمایا او یار

کیا جانے وہ قدر وصل کی ہجر نہیں جب پایا او یار

درد مندوں سے پوچھے کوئی کیوں کر جوگ کمایا او یار

کچھ ساحر نے افسوں ایسا مجھ پر آن چلایا او یار

دین ایمان تو رخصت ہو گیے عشق نے آن جگایا او یار

صم بکم عمی ہو کے راز پیا کا پایا او یار

کل یومی کا پردہ لے کر حنفی گلالی اڑایا او یار

سورۂ یٰسین مزمل نے جب مکھڑا آن دکھایا او یار

ظلمت کے سب اٹھ گیے پردے نور میں نور سمایا او یار

لی مع اللہ خلوت کے جلوے وصل کا ٹھاٹھ جمایا او یار

احمد میں جو تھا میم کا پردہ عشق نے آن اٹھایا او یار

لا خوف علیہم عشق کا زینہ وصل پیا کا پایا او یار

نحن اقرب محسنؔ دیکھیے کس بدھ حسن چھپایا او یار