اس حب دنیا میں میاں آخر خلل آخر خلل

اس حب دنیا میں میاں آخر خلل آخر خلل

اس بے وفا پہ تو مت مچل آخر خلل آخر خلل

یہ تو دام پھیلا ہے جا بجا یہی موت میں تمہیں دے پھنسا

تو یہاں سے چل تو یہاں سے چل آخر خلل آخر خلل

یہ تو سارا تیرا وجود ہے جو کہ ہو رہا ہے یہ نمود ہے

ذرا تو سنبھل ذرا تو سنبھل آخر خلل آخر خلل

کہیں دل اگر تو لگائےگا ترا دل ہی تجھ کو ستائے گا

نہیں غیر کا اس میں دخل آخر خلل آخر خلل

یہ فریب دیتا ہے سر بسر نہیں تجھ کو محسنؔ کچھ خبر

نہ ہو نفس بد سے تو ہم بغل آخر خلل آخر خلل