جفا و جور نہ کر مجھ پہ ہر زماں صیاد

جفا و جور نہ کر مجھ پہ ہر زماں صیاد

نہیں یہ طرز مداراتِ میہماں صیاد

قفس میں رکھی ہیں مر جھائے پھول لا لا کر

بہار عمریوں ہی ہو تری خزاں صیاد

سنے جونالے مرے دل کو تھام تھام لیا

مگر سمجھنے لگا ہے مری زباں صیاد

نہیں ہے چاک قفس سے بھی جھانکنے کا حکم

بٹھاے رکھتا ہے ہر سو نگاہباں صیاد

مری اسیری کے باعث ہیں زمزمے میرے

ہوئی ہے میرے لیے میرے ہی زباں صیاد

نہ رہنے پائے کسی طرح کا ستم باقی

جو کچھ ہو آج ہی ہو جائے امتحاں صیاد

سلامتی ہے مبارکؔ کمال وحدت میں

بھلا بتائے تو عنقا کا آشیاں صیاد