نالوں سے مرے کب تہ و بالا جہاں نہیں

نالوں سے مرے کب تہ و بالا جہاں نہیں

کب آسماں زمین و زمیں آسماں نہیں

قاتل کی چشم تر نہ ہو یہ ضبط آہ دیکھ

جیوں شمع سر کٹا پہ اٹھایاں دھواں نہیں

آنکھوں سے دیکھ کر تجھے سب ماننا پڑا

کہتے تھے جو ہمیشہ چنیں ہی چناں نہیں

کہتا ہوں ان سے کچھ میں نکلتا ہے منہ سے کچھ

کہنے کو یوں تو ہے گی زباں اور زباں نہیں

اے بلبلاں شعلہ دم اک نالہ اور بھی

گم کردہ راہِ باغ ہوں یادِ آشیاں نہیں

اس بزم میں نہیں کوئی آگاہ ورنہ کب

واں خندہ زیرِ لب ادھر اشکِ نہاں نہیں

افسردہ دل نہ ہنو درِ رحمت نہیں ہے بند

کس دن کھلا ہوا درِ پیر مغاں نہیں