جو دل پر ہم ان کا کرم دیکھتے ہیں

جو دل پر ہم ان کا کرم دیکھتے ہیں

تو ہم دل کو رشکِ ارم دیکھتے ہیں

کرم دیکھتے ہیں نہ غم دیکھتے ہیں

ہم ان کی نگاہِ کرم دیکھتے ہیں

کبھی دل میں سوزِ عجم دیکھتے ہیں

کبھی دل کو سازِ حرم دیکھتے ہیں

فیوض درِ محترم دیکھتے ہیں

کسے کیا خبر اب جو ہم دیکھتے

نگاہِ شفیع الامم دیکھتے ہیں

تو جنت کو زیرِ قدم دیکھتے ہیں

محبت کا فیضِ اتم دیکھتے ہیں

کہ جلوہ ترا دم بدم دیکھتے ہیں

جہاں ان کے نقشِ قدم دیکھتے ہیں

وہیں ہم بہارِ ارم دیکھتے ہیں

کبھی کیف ام السلم دیکھتے ہیں

کبھی برکتِ ملتزم دیکھتے ہیں

مبارک بفیض محبت مبارک

کہ ہم ’’لا‘‘ میں لطف نعم دیکھتے ہیں

جو اہلِ محبت ہیں اللہ اکبر

کرم کیا وہ جانِ کرم دیکھتے ہیں

ہے کیا بات نام ان کا آتے ہی لب پر

ہم احمدؔ تری آنکھ نم دیکھتے ہیں