na puchho hashr mein ek hashr mere dil pe Dhaenge

na pūchho hashr meñ ik hashr mere dil pe Dhā.eñge

ġhamoñ kī bhiiḌ meñ sālār jab nazroñ meñ ā.eñge

farishte dekhte hoñge tamāsha ’ishq-o-mastī kā

ruḳh-e-zebā dikhā kar dard ko vo phir jagā.eñge

rahegī kab talak bandish tere dīdār kī ham par

firāq-o-hijr ke sadme kahāñ tak ham uThā.eñge

baḌe ḳhush-baḳht haiñ ham se jo 'āshiq roz-e-mahshar meñ

jigar kī pyaas ko dīdār-e-jānāñ se bujhā.eñge

jab un ko dekh kar un kī taraf dauḌegā ye 'āshiq

vo apne ruḳh pe parda Daal kar ḳhud ko chhupā.eñge

‘huzaifa’ hashr meñ be-bas talāsh-e-yār meñ hogā

use māh-e-munavvar tab kahīñ chehra dikhā.eñge

na puchho hashr mein ek hashr mere dil pe Dhaenge

ghamon ki bhiD mein salar jab nazron mein aaenge

farishte dekhte honge tamasha ’ishq-o-masti ka

ruKH-e-zeba dikha kar dard ko wo phir jagaenge

rahegi kab talak bandish tere didar ki hum par

firaq-o-hijr ke sadme kahan tak hum uThaenge

baDe KHush-baKHt hain hum se jo 'ashiq roz-e-mahshar mein

jigar ki pyas ko didar-e-jaanan se bujhaenge

jab un ko dekh kar un ki taraf dauDega ye 'ashiq

wo apne ruKH pe parda Dal kar KHud ko chhupaenge

‘huzaifa’ hashr mein be-bas talash-e-yar mein hoga

use mah-e-munawwar tab kahin chehra dikhaenge