نہ پوچھو حشر میں اک حشر میرے دل پہ ڈھائیں گے

نہ پوچھو حشر میں اک حشر میرے دل پہ ڈھائیں گے

غموں کی بھیڑ میں سالار جب نظروں میں آئیں گے

فرشتے دیکھتے ہوں گے تماشہ عشق و مستی کا

رخِ زیبا دکھا کر درد کو وہ پھر جگائیں گے

رہے گی کب تلک بندش تیرے دیدار کی ہم پر

فراق و ہجر کے صدمے کہاں تک ہم اٹھائیں گے

بڑے خوش بخت ہیں ہم سے جو عاشق روزِ محشر میں

جگر کی پیاس کو دیدارِ جاناں سے بجھائیں گے

جب ان کو دیکھ کر ان کی طرف دوڑے گا یہ عاشق

وہ اپنے رخ پہ پردہ ڈال کر خود کو چھپائیں گے

حذیفہؔ حشر میں بے بس تلاشِ یار میں ہو گا

اسے ماہِ منور تب کہیں چہرہ دکھائیں گے