دل بھی دیں غم بھی سہیں اور سختیاں جھیلا کریں

دل بھی دیں غم بھی سہیں اور سختیاں جھیلا کریں

تم وفا دشمن ہوئے تو اہل دل پھر کیا کریں

رحم ہو یا ظلم ان کی ہر ادا ہے دل فریب

زیب دیتا ہے انہیں زیبا کہ نازیبا کریں

فصلِ گل آتے ہی زنجیریں بھی دوہرا دی گئیں

آہ اب زنداں سے تدبیر رہائی کیا کریں

کم نہ تھا کاندھا ہی دینا حاجت ماتم نہیں

میری میت کو حضور اتنا نہ شرمندا کریں

ان کا جانا تربتِ مختار سے یہ کہہ کے ہائے

چین سے اب آپ صبح حشر تک سویا کریں