بہر صورت بہارِ حسنِ جاں دیکھ لیتا ہوں

بہر صورت بہارِ حسنِ جاں دیکھ لیتا ہوں

جو آئینہ نہیں ملتا گریباں دیکھ لیتا ہوں

تعین کے حجابوں سے محبت میں جہاں گزرا

ترے جلووں کو بے قیدِ رگ جاں دیکھ لیتا ہوں

جنونِ شوق دید یار اس حد تک تو آپہونچا

کہ ہر ذرے میں اب تصویرِ جاناں دیکھ لیتا ہوں

خدا رکھے یہ منظر بھی عجب پر کیف منظر ہے

وہ مجھ کو دیکھتے ہیں میں گریباں دیکھ لیتا ہوں

محبت ہی بنا دیتی ہے اے مختار حق والا

محبت ہی میں لٹتے دین و ایماں دیکھ لیتا ہوں