معکوس پڑا جام تھا گرمان تھی صراحی

معکوس پڑا جام تھا، گرماں تھی صراحی

محفل میں جو شب کو وہ دلارام نہ آیا

چشمِ تر تو نے مجھے تو خوب ہی رسوا کیا

عشق میں رکھتا تھا اک پردہ‌ نشیں کا کیا کیا

کون سا سروِ چراغاں اس چمن سے اٹھ گیا

غم میں جس کے ہر گل اپنا پیرہن پھاڑا کیا

زیرِ فلک جو شب کو اک ابر سا اٹھا تھا

دودِ سیاہِ یار و اپنی ہی آہ کا تھا

برقِ نظر سے تیری کوچہ میں حشر سا تھا

کوئی تو مر گیا تھا، کوئی تڑپ رہا تھا

شعلۂ رخاں نے بہجت یہاں تک مجھے چلایا

آخر کو بعدِ مردن بھی آگ میں رکھا تھا