خبر بھی ہے تجھے اے دل کہاں صدیق اکبر ہیں

خبر بھی ہے تجھے اے دل کہاں صدیق اکبر ہیں

جہاں میں سرورِ عالم وہاں صدیق اکبر ہیں

شجاعت بھی سخاوت ہی کا اک اور نام ہے گویا

زمانے میں صداقت کا نشاں صدیق اکبر ہیں

خدا راضی ہے ان سے جن سے راضی ہیں رسول اللہ

خلافت کے امیرِ کارواں صدیق اکبر ہیں

حضورِ کبریا کی تھی نبی نے اقتدا جن کی

تو پھر گویا امامِ دو جہاں صدیق اکبر ہیں

نبی کو ناز تھا ایسے صحابی آپ تھے صاحبؔ

صداقت کے زمین و آسماں صدیق اکبر ہیں