اک شب تو لطف کیجئے عاشق کی حال پر

اک شب تو لطف کیجئے عاشق کی حال پر

ایسا بھی کیا غرور ہے حسن وجمال پر

اب خاک دیکھتے ہو وہ سینہ میں ہے کہاں

پِس بھی گیا دل آپ کی مستانہ چال پر

گر گھورتا ہے غیر انہیں گھورنے بھی دو

پڑتی نظر سبھی کی ہے نایاب مال پر

ناراض کر کے مجھ کو وہ کہتے ہیں چھیڑ چھیڑ

ہم کو بھی ہے ملال کسی کے ملال پر

ٹھہرو نہ بیقرار ہو دم لو قرار لو

ملتا یہی جواب ہے میرے سوال پر

سرخی غضب ہے پان کی لاکھا بھی قہر ہے

کیوں کر نہ ٹپکے رال کسی کے مزار پر

کیا ہی غزل لکھی ہے مزیبؔ یہ لطف خیز

عاشق ہیں ہم تو یار تری بول چال پر