یار کو ہے مجھ سےالفت آج کل

یار کو ہے مجھ سےالفت آج کل

زور پر ہے اپنی قسمت آج کل

فصل گل تو بہ شکن ہے ناصحا

کون سنتا ہے نصیحت آج کل

جاؤ دل چاہے جہاں ہے اختیار

ہے ہمیں ایسوں سے نفرت آجکل

جس کو دیکھا خود غرض نا آشنا

کیجئے کس سے محبت آج کل

مل گیا تمغہ شرافت کا اسے

ہاتھ آئی جس کی دولت آج کل

جانے والے ہیں وہ میرے پاس سے

آنے والی ہےقیامت آج کل

فکرِ دنیا فکرِ عقبیٰ فکر شعر

ہے مصیبت سے مصیبت آج کل

داغؔ سا اس وقت میں شاعر نہیں

ختم ہے اس پر فصاحت آج کل

اے مزیبؔ ہو گیا دیوانِ طبع

ہے میری شہروں شہرت آج کل