نگریستن عزرائیل بر مردے و گریختن آں مرد در سرائے سلیمان و تقریر ترجیح توکل بر جہد و قلت فائده‌‌ جہد

عزرائیل علیہ السلام کا ایک شخص کو گھورنا اور اس کا سلیمان علیہ السلام کے گھر کی طرف بھاگنا اور توکل کی مشقت اور کوشش پر ترجیح کی تقریر

ایک بھولا آدمی دن چڑھے آیا

(اور) حضرت سلیمانؑ کی عدالت میں دوڑا

غم سے اس کا چہرہ زرد اور دونوں ہونٹ نیلے تھے

(حضرت) سلیمانؑ نے پوچھا اے صاحب کیا ہوا ؟

اس نے کہا ، عزرائیل (علیہ السلام) نے مجھ پر ایسی

ایک نظر ڈالی جو غصہ اور کینہ سے بھری ہوئی تھی

انہوں نے کہا اب جو کچھ چاہتا ہے ، بیان کر

اس نے کہا، اے جاں پناہ! ہوا کو حکم دیجئے

تاکہ مجھے اس جگہ سے ہندوستان لے جائے

ہو سکتا ہے بندہ اس طرف چلاجائے تو جان بچالے

اب ! افلاس سے لوگ بھاگتے ہیں

اس لئے لوگ حرص اور خواہش کا لقمہ ہیں

افلاس کا ڈر، اس خوف کی مثال ہے

حرص اور کوشش کو تو ہندوستان سمجھ

ہوا کو حکم دیا اور وہ فوراً اس کو

پانی پر (سوار) کر کے ہندوستان کی سر زمین کی طرف لے گئی

دوسرے دن دربار اور ملاقات کے وقت

حضرت سلیمانؑ نے عزرائیل (علیہ السلام) سے کہا

اس مسلمان کو غصہ سے کس وجہ سے

تو نے دیکھا ؟ اے اللہ کے قاصد ! بتا

اس نے کہا کہ کب میں نے تمہیں غصے سے دیکھا

میں نے تعجب سے اس کو راستے میں دیکھا

اس لئے کہ مجھے اللہ تعالیٰ نے حکم دیا ہے کہ آج ہی

اس کی جان ہندوستان میں نکال لے

تعجب سے میں نے کہا کہ اگر اس کے سو پر ہوں

اس کا ہندوستان پہونچنا دور (از قیاس) ہے

(اے مخاطب) تو دنیا کے تمام کاموں کو اس پر

قیاس کر لے ، اور آنکھ کھول اور دیکھ

ہم کس سے بھاگیں؟ اپنے آپ سے؟ یہ نا ممکن ہے

ہم کس سے سرتابی کریں؟ خدا سے ! یہ تو تباہی ہے