na hai aaghaz se matlab na hai anjam se kaam

na hai āġhāz se matlab na hai anjām se kaam

na ġharaz sub.h se mujh ko na mujhe shaam se kaam

shorish-e-dard hī kaafī hai mirī taskīn ko

na dil-āzār se matlab na dil-ārām se kaam

rishta-e-zindagī kis taur se maqtū' na ho

mujhe rahtā hai hamesha tirī samsām se kaam

kis se dil jaake giraftārī ko apnī kahiye

na qafas se koī vāqif na rakkhe daam se kaam

vasf auroñ kā bhalā kyuuñ ke miyāñ dil ko lage

jis ko rahtā ho sadā terī hī dushnām se kaam

'ishq' paizār se us kī jiye yā koī mare

yaar mā’shūq ko hai apne hī ab kaam se kaam

na hai aaghaz se matlab na hai anjam se kaam

na gharaz subh se mujh ko na mujhe sham se kaam

shorish-e-dard hi kafi hai meri taskin ko

na dil-azar se matlab na dil-aram se kaam

rishta-e-zindagi kis taur se maqtu' na ho

mujhe rahta hai hamesha teri samsam se kaam

kis se dil jake giraftari ko apni kahiye

na qafas se koi waqif na rakkhe dam se kaam

wasf auron ka bhala kyun ke miyan dil ko lage

jis ko rahta ho sada teri hi dushnam se kaam

'ishq' paizar se us ki jiye ya koi mare

yar ma’shuq ko hai apne hi ab kaam se kaam