dhoke pe dhoka khae ja ishq ko sada kar kar

dhoke pe dhokā khaa.e jā 'ishq ko saada kaar kar

husn ke dil meñ ghar banā husn par e'tibār kar

ḳhū-e-jafā parast ko aur tū ustuvār kar

qalb ko muztarib banā ruuh ko be-qarār kar

mujh se na yuuñ nazar bachā ġhair ko vahm meñ na Daal

raaz abhī to raaz hai is ko na āshakār kar

qalb-e-fareb-e-kHurda sun vā’da-e-ġhalat sahī magar

fitrat-e-'ishq hai yahī is pe bhī e'tibār kar

dīda-o-dil ne muttafiq ho ke miTā dī kā.ināt

aur jahān-e-’ishq meñ apnoñ kā e'tibār kar

‘nakHshab’-e-kHām-kār kī bāteñ bhī aap ne sunīñ

aayā ho jaise 'arsh par 'umr ke din guzār kar

dhoke pe dhoka khae ja 'ishq ko sada kar kar

husn ke dil mein ghar bana husn par e'tibar kar

KHu-e-jafa parast ko aur tu ustuwar kar

qalb ko muztarib bana ruh ko be-qarar kar

mujh se na yun nazar bacha ghair ko wahm mein na Dal

raaz abhi to raaz hai is ko na aashakar kar

qalb-e-fareb-e-kHurda sun wa’da-e-ghalat sahi magar

fitrat-e-'ishq hai yahi is pe bhi e'tibar kar

dida-o-dil ne muttafiq ho ke miTa di kainat

aur jahan-e-’ishq mein apnon ka e'tibar kar

‘nakHshab’-e-kHam-kar ki baaten bhi aap ne sunin

aaya ho jaise 'arsh par 'umr ke din guzar kar