شان وفا تو ہے اگر کار وفا نہ ہوسکا

شان وفا تو ہے اگر کار وفا نہ ہوسکا

سر کو جھکائے رکھ اگر سجدہ ادا نہ ہوسکا

تیرے کرم سے فیضیاب کون گدا نہ ہوسکا

یہ تو مرا نصیب ہے میرا بھلا نہ ہوسکا

اپنی نظر سے پوچھ لے میرے جگر سے پوچھ لے

تیرا بھی آج تک کوئی میرے سوا نہ ہوسکا

قلبِ فریب خوردہ کو پھر بھی ہے اُس کا اعتبار

جس کا کہ آج تک کوئی وعدہ وفا نہ ہوسکا

نخشبؔ خستہ حال نے کوششیں کیں ہزار ہا

پھر بھی خیالِ حسنِ دوست دل سے جدا نہ ہوسکا