آپ کیوں خاموش ہیں مجھ کو پریشان دیکھ کر

آپ کیوں خاموش ہیں مجھ کو پریشان دیکھ کر

بولتا ہے کچھ نہ کچھ انسان کو انسان دیکھ کر

کہتے ہیں احباب اشک و آہ سوزان دیکھ کر

ہم ٹھہر سکتے نہیں یہ برق و بارن دیکھ کر

تخلیہ کا گہر سمجھ کر دل میں وہ وارد ہوئے

پھر گئے لیکن ہجوم شوق و ارمان دیکھ کر

مٹ کے مرا نام روشن اور بھی ہوجائے گا

دیکھ کر مجھ کو مٹانا چرخ گردان دیکھ کر

کس کی طاقت ہے کہ دیکھے ان کی آنکھوں کی طرف

سہمی جاتی ہیں نگاہیں تیر مژگان دیکھ کر

باغ دنیا میں نہیں کوئی کسی کا غم شریک

کوئی بھی روتا نہیں شبنم کو گریان دیکھ کر

غیر سائے کی طرح پھرتا ہے ہر دم ساتھ ساتھ

آپ نے رکھا ہے یہ اچھا نگہبان دیکھ کر

واعظوں سے سن کے حوروں کا بیان دلفریب

رند سمجھتے آئے ہیں باغ رضوان دیکھ کر

اس کے آگے ہوسکے گا اب کسی کو کب فروغ

ماند ہے جب چاند تیرا روئے تابان دیکھ کر

میں جنوں کے ساتھ چل نکلا ہوں بے خوف و خطر

اب بلا میری چلے کوہ دیبا بیان دیکھ کر