میں جہاں بھی جاؤں، بفضلہٖ مرا راہبر مرے ساتھ ہے
میں جہاں بھی جاؤں، بفضلہٖ مرا راہبر مرے ساتھ ہے
مرا ہم نشیں، مرا ہم نفس، مرا ہمسفر، مرے ساتھ ہے
ملا ہر قدم پہ عیاں عیاں، وہ مرا محافظِ بے گماں
وہ نفس نفس ہے رواں دواں وہ نظر نظر مرے ساتھ ہے
مرا چارہ گر، مرا چارہ جو، مری جانِ حسرت و آرزو
وہی شامِ غم مرے ساتھ تھا، وہی تا سحر مرے ساتھ ہے
عجب اتفاقِ جدید ہے، یہ نظارہ قابلِ دید ہے
کوئی مجھ غریب سے ان دنوں، ہے خفا مگر مرے ساتھ ہے
مرے حالِ دل پہ نہ کر نظر، یہ مرض ہی اور ہے بے خبر
نہیں کچھ ضرورتِ چارہ گر، مرا چارہ گر مرے ساتھ ہے
شبِ غم کی ہو مجھے فکر کیا کہ نصیرؔ وہ مرا ہم نوا
جو تمام دن مرے ساتھ تھا وہی رات بھر مرے ساتھ ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
