tera ghar hai to aasman hai dil

terā ghar hai to āsmān hai dil

varna vīrān sā makān hai dil

ishq mehmāñ nahīñ hai mālik hai

ye na kahnā ke mezbān hai dil

ik taraf yaas ik taraf ummīd

aur donoñ ke darmiyān hai dil

sachchī āñkhoñ se baat karatā hai

kaun kahtā hai be-zabān hai dil

dekhiye to bas ek pāra-e-gosht

sochiye to bharā jahān hai dil

us meñ ik aks muskurātā hai

ujle ā.īne ke samān hai dil

roz lagtī hai e'timād ko Thes

phir bhī had darja ḳhush-gumān hai dil

saare a.azā haiñ us ke zer-e-asar

saare a.azā pe hukmarān hai dil

tera ghar hai to aasman hai dil

warna viran sa makan hai dil

ishq mehman nahin hai malik hai

ye na kahna ke mezban hai dil

ek taraf yas ek taraf ummid

aur donon ke darmiyan hai dil

sachchi aankhon se baat karata hai

kaun kahta hai be-zaban hai dil

dekhiye to bas ek para-e-gosht

sochiye to bhara jahan hai dil

us mein ek aks muskuraata hai

ujle aaine ke saman hai dil

roz lagti hai e'timad ko Thes

phir bhi had darja KHush-guman hai dil

sare aaza hain us ke zer-e-asar

sare aaza pe hukmaran hai dil