chand KHushbu bhari yaadon ko sambhaale hue hai

chand ḳhushbū bharī yādoñ ko sambhāle hue hai

dil magan rahne kī tadbīr nikāle hue hai

dekhnā kal vahī sho.ala kī tarah bhaḌkegā

jo shagūfa vo sar-e-bazm uchhāle hue hai

vo jo ik ism hai mahtāb kī sūrat mirī jaañ

haañ vahī ism mirī ziist ujāle hue hai

ek dīvāna hai iz.hār-e-haqīqat pe musir

ek qātil hai jo shamshīr nikāle hue hai

ishq vo zarra hai tāroñ pe jo Daale hai kamand

ye vo qatra hai jo tūfān uchhāle hue hai

dil ke har sher ko ik shā.ir ḳhush-bāsh 'nasīr'

kis hunar-mandī se ash.ār meñ Dhāle hue hai

chand KHushbu bhari yaadon ko sambhaale hue hai

dil magan rahne ki tadbir nikale hue hai

dekhna kal wahi shoala ki tarah bhaDkega

jo shagufa wo sar-e-bazm uchhaale hue hai

wo jo ek ism hai mahtab ki surat meri jaan

han wahi ism meri zist ujale hue hai

ek diwana hai izhaar-e-haqiqat pe musir

ek qatil hai jo shamshir nikale hue hai

ishq wo zarra hai taron pe jo Dale hai kamand

ye wo qatra hai jo tufan uchhaale hue hai

dil ke har sher ko ek shair KHush-bash 'nasir'

kis hunar-mandi se ashaar mein Dhaale hue hai