چند خوشبو بھری یادوں کو سنبھالے ہوئے ہے

چند خوشبو بھری یادوں کو سنبھالے ہوئے ہے

دل مگن رہنے کی تدبیر نکالے ہوئے ہے

دیکھنا کل وہی شعلہ کی طرح بھڑکے گا

جو شگوفہ وہ سر بزم اچھالے ہوئے ہے

وہ جو اک اسم ہے مہتاب کی صورت مری جاں

ہاں وہی اسم مری زیست اجالے ہوئے ہے

ہوئے دیوانہ ہے اظہار حقیقت پہ مصر

ہوئے قاتل ہے جو شمشیر نکالے ہوئے ہے

عشق وہ ذرہ ہے تاروں پہ جو ڈالے ہے کمند

یہ وہ قطرہ ہے جو طوفان اچھالے ہوئے ہے

دل کے ہر شعر کو اک شاعر خوش باش نصیرؔ

کس ہنر مندی سے اشعار میں ڈھالے ہوئے ہے