kya jaano tum ki kya hai ye rahat-maab dard

kyā jaano tum ki kyā hai ye rāhat-ma.āb dard

bhartā hai zindagī meñ na.ī āb-o-tāb dard

Thokar lagā rahā hai nashāt-e-hayāt ko

taslīm-gāh-e-ishq se hai faizyāb dard

chup-chāp suntī rahtī hai tāroñ kī anjuman

jab chheḌtā hai raat ko tār-e-rubāb dard

ye kaisā ittifāq hai aate haiñ roz saath

aḳhbār hādsoñ kī ḳhabar āftāb dard

ab bhī hai vaqt sāhib-e-'ālam se jā kaho

mohlat na hogī lā.egā jab inqilāb dard

beTe kī roTiyāñ nahīñ gintī hai maañ 'nasīr'

be-ḳhvābiyoñ kā rakhtā nahīñ hai hisāb dard

kya jaano tum ki kya hai ye rahat-maab dard

bharta hai zindagi mein nai aab-o-tab dard

Thokar laga raha hai nashat-e-hayat ko

taslim-gah-e-ishq se hai faizyab dard

chup-chap sunti rahti hai taron ki anjuman

jab chheDta hai raat ko tar-e-rubab dard

ye kaisa ittifaq hai aate hain roz sath

aKHbar hadson ki KHabar aaftab dard

ab bhi hai waqt sahib-e-'alam se ja kaho

mohlat na hogi laega jab inqilab dard

beTe ki roTiyan nahin ginti hai man 'nasir'

be-KHwabiyon ka rakhta nahin hai hisab dard