guman ki qaid mein tha ab yaqin ki qaid mein hun

gumāñ kī qaid meñ thā ab yaqīñ kī qaid meñ huuñ

maiñ haañ se chhūT gayā to nahīñ kī qaid meñ huuñ

baḌe adab se biThāyā thā taḳht-e-dil pe jise

ġhazab hai ab usī masnad-nashīñ kī qaid meñ huuñ

jise zabān-e-haqīqat meñ ishq kahte haiñ

usī tilism-e-junūñ āfrīñ kī qaid meñ huuñ

falak pe chāñd sitāre bulā rahe haiñ mujhe

magar maiñ tal.at-e-ḳhāk-e-zamīñ kī qaid meñ huuñ

maiñ huuñ ḳhud apne hī husn-e-vajūd kā qaidī

kisī hasīñ na kisī mah-jabīñ kī qaid meñ huuñ

'nasīr' maiñ ne atā kī thī rustagārī jinheñ

ye inqilāb to dekho unhīñ kī qaid meñ huuñ

guman ki qaid mein tha ab yaqin ki qaid mein hun

main han se chhuT gaya to nahin ki qaid mein hun

baDe adab se biThaya tha taKHt-e-dil pe jise

ghazab hai ab usi masnad-nashin ki qaid mein hun

jise zaban-e-haqiqat mein ishq kahte hain

usi tilism-e-junun aafrin ki qaid mein hun

falak pe chand sitare bula rahe hain mujhe

magar main talat-e-KHak-e-zamin ki qaid mein hun

main hun KHud apne hi husn-e-wajud ka qaidi

kisi hasin na kisi mah-jabin ki qaid mein hun

'nasir' main ne ata ki thi rustagari jinhen

ye inqilab to dekho unhin ki qaid mein hun