phir ek bhuka shaKHs jaan-ba-lab hua ghazab hua

phir ek bhūkā shaḳhs jāñ-ba-lab huā ġhazab huā

ki shahar par nuzūl-e-qahr rab huā ġhazab huā

tamām hosh-mand hoñT sī ke jaañ bachā ga.e

divāna lab hilā ke be-adab huā ġhazab huā

sabab thā jo uruuj kā usī se rabt ḳhatm huā

tire zavāl kā yahī sabab huā ġhazab huā

ye roz-o-shab kī gardisheñ gavāh thiiñ gavāh haiñ

sadāqatoñ se inhirāf jab huā ġhazab huā

balā kī bijliyāñ girīñ balā kī āñdhi.yāñ chalīñ

ḳhudā se jab daġhā kyā ġhazab huā ġhazab huā

thī jis kī tal.at bayāz-e-subh-e-āfrīñ

'nasīr' vo asīr-e-zulf-e-shab huā ġhazab huā

phir ek bhuka shaKHs jaan-ba-lab hua ghazab hua

ki shahar par nuzul-e-qahr rab hua ghazab hua

tamam hosh-mand honT si ke jaan bacha gae

diwana lab hila ke be-adab hua ghazab hua

sabab tha jo uruj ka usi se rabt KHatm hua

tere zawal ka yahi sabab hua ghazab hua

ye roz-o-shab ki gardishen gawah thin gawah hain

sadaqaton se inhiraf jab hua ghazab hua

bala ki bijliyan girin bala ki aandhiyan chalin

KHuda se jab dagha kya ghazab hua ghazab hua

thi jis ki talat bayaz-e-subh-e-afrin

'nasir' wo asir-e-zulf-e-shab hua ghazab hua