عشق کی ہے کتاب تو یا حسن عالم تاب تو
عشق کی ہے کتاب تو یا حسن عالم تاب تو
چہرہ ہے مثل گل تیرا مانند اک گلاب تو
تو ہے فلک کی کہکشاں یا اس کا ماہتاب ہے
تجھ سا حسیں کوئی نہیں ہے حسن لاجواب تو
پردوں میں ہے چھپا ہوا وہ حسن لازوال ہے
اس حسن بے مثال کا عالم میں ہے جواب تو
ہے میکدہ تیرا وجود یا کہنہ مئے کا جام ہے
جس کا نشہ ختم نہ ہو ایسی ہے وہ شراب تو
ایسا حسیں صنم ہے جو عالم میں بے مثال ہے
دیکھا کروں نہ کیوں تجھے صانع کا انتخاب تو
حسن ازل بھی ہے مکیں تیرے ہی حسن ناز میں
بے حجاب حسن تیرا ہے اس حسن کا حجاب تو
میں کیا کہوں کیسے کہوں تو ہی تو بتا دے کیا کہوں
مقتول ناز حسن ہوں دے دے کوئی خطاب تو
نایابؔ ذرہ حقیر پھر بھی چمک رہا ہے تو
تجھ کو جو روشنی ملی ہے زیر آفتاب تو
- کتاب : Talimaat-e-Jahangiri (Pg. 368)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.