تضمینی کلام - کب لالۂ و گل کر سکیں عارض سے تیرے ہمسری

کب لالۂ و گل کر سکیں عارض سے تیرے ہمسری

قد سے خجل سروسہی، رفتار سے کبکِ دری

محبوب تجھ سے سیکھ لیں نازو ادا ؤ دلبری

اے چہرۂ زیباے تو رشکِ بتاں آذری

ہر چند وصفت می کنم در حسنِ زاں زیبا تری

ہے شور تیرے حُسن کا لیکر زمیں سے چرخ تک

دن راہ صورت کو تری شمس و قمر رہتے ہیں تک

دیکھے ہے جو تیرے تئیں کہتا یہی ہے یک بیک

تا نقش می بندو فلک کس رانداداست ایں نمک

حوری ندانم یا ملک، فرزندِ آدم یا پری

تیرا رخ اے رعنا صنم بھر کر نظر دیکھے ہے جو

کھو دین و ایماں کے تیں باندھے ہے وہ زُنّار کو

دیوانے تیرے عشق میں دل سے نہیں کچھ ایک دو

عالم ہمہ یغمائے تو، خلقے ہمہ شیدائے تو

ایں نرگس شہلائے تو آور درسم کافری

ہے خلق و خوبی میں بھرا اس طور سے وہ نازنیں

بہزاد و مانی دیکھتے تو ہوتے وہ حیرت قریں

گراس بیاں کے راست کا آنا نہیں تجھ کو یقیں

صورتگرِ نقاش چیں رد صورتِ یارم بہ بیں

یا صورتے کش ایں چنیں، یا ترک کن صورت گری

ہیں خلق میں ہر سوعیاں رنگیں ادا زیبا صنم

گلگوں قبا ناز کبدن سوزیب و زینت سے بہم

کی غور تو سچ ہے یہی مجھ کو محبت کی قسم

آفا قہا کردیدہ ام مہر بتاں در زیدہ ام

بسیار خوباں دیدہ ام لیکن تو چیزے دیگری

آیا نظر جس روز سے تجھ سا شکر لب مہ لقا

ابرو کمال، جادو نظر، شیریں سخن اور عشوہ زا

اپنے وطن کو چھوڑ کر مثلِ نظیر مبتلا

خسرو غر میسبت و گدا افتادہ در شہرِ شما

باشد کہ از بہر خدا، سوئے غریباں بنگری