ہمیں اس باغ و بستاں سے یہی کنج قفس بہتر

ہمیں اس باغ و بستاں سے یہی کنج قفس بہتر

کہ نزدیکی جو ہو صیاد کی وہ اک نفس بہتر

بعشقِ یثربی ایک بات بھی حاصل نہ کی ہم نے

ہم ایسے مدعی کاذب سے ان کے بوالہوس بہتر

مبارک ہو تمہیں اے زاہدو حور و جناں تم کو

صفائے خلد سے کوئے صنم کا خار و خس بہتر

نہ پہنچے تا سر سفرہ بایں بذل و کرم یا رب

وہ اس کے خوانِ نعمت کی ہے ہم سے اک مگس بہتر

جو دن آتے ہیں ملکِ ہند کے ابتر، خوشا یثرب

جہاں کے روز و شب بہتر مہینے اور برس بہتر

اگر ہر مدعا سے دست ہو کوتاہ کیا پروا

جو ہووے نعمتیؔ کفشِ نبی تک دسترس بہتر