جب سے اس بت کی بھا گئیں آنکھیں

جب سے اس بت کی بھا گئیں آنکھیں

دل گیا اور آگئیں آنکھیں

کچھ نہیں سوجھتا بجز ان کے

یا خدا کیا سمجھا گئیں آنکھیں

آنکھ ملتے ہی ہوگیا جادو

ہم گئے دل گیا گئیں آنکھیں

بجھ گئی آنسوؤں سے نارِ جہنم

حشر میں کام آگئیں آنکھیں

دیکھتا رہ گیا دلِ نا کام

کام اپنا بنا گئیں آنکھیں

اشک آنکھوں سے ہو گئے جاری

جب تیری یاد آگئیں آنکھیں

وہ نہ آنا تھا پر نہ آئے نثارؔ

تا لبِ گورآ گئیں آنکھیں