لطف کے ساتھ کچھ آزار نہ ہو کیا معنی

لطف کے ساتھ کچھ آزار نہ ہو کیا معنی

پہلوئے گل میں کوئی خار نہ ہو کیا معنی

تیز دم کیوں نگہہ یار نہ ہو کیا معنی

تیغ ہو تیغ میں پھر دھار نہ ہو کیا معنی

دل مرا محوِ رخِ یار نہ ہو کیا معنی

تیغ ہو تیغ میں پھر دھار نہ ہو کیا معنی

من چلے ہم بھی ہیں وہ بھی ہیں بہت شوخ مزاج

ساتویں آٹھویں تکرار نہ ہو کیا معنی

یہ مرا سر ہے یہ دل ہے یہ کلیجا حاضر

کوئی شئے آپ کو درکار نہ ہو کیا معنی

عشق کامل ہے اگر جذب محبت ہے اگر

وہ مرا یار مرا یار نہ ہو کیا معنی

ایک سے ایک کو ملنے میں جھجک ہوتی ہے

اس کو پہلے پہل انکار نہ ہو کیا معنی

چشم معشوق میں شوخی نہ ہو ممکن ہے نہیں

میاں ہو میان میں تلوار نہ ہو کیا معنی

اس کا شیوہ ہے یہی اس کی یہی عادت ہے

آسما درپئے آزار نہ ہو کیا معنی