nurun-min-nurillah se ahad ahmad ka rup dikhawat hai

nūrun-min-nūrillāh se ahad ahmad kā ruup dikhāvat hai

kahūñ miim kī chādar oḌhat hai kahūñ aap meñ aap samāvat hai

aisī bhī kyā hai betābī kyuuñ arsh pe āvat-jāvat hai

ham jānib haiñ tore man kī tū ummat ko baḳhshāvat hai

vallail kā laTkā zulfan meñ vashshams kā miqna.a chitvan meñ

mā-zāġh kā surma nainan meñ kyā ruup anuup dikhāvat hai

tujh sā nahīñ koī jahāñ meñ dhanī torī kirpā se morī baat banī

yā-sayyadanā makkī-madanī tū rasūl-e-karīm kahāvat hai

bat.hā jañgal taiba ban meñ DhūñDhat huuñ mulkan mulkan maiñ

aa jā aa jā more nainan meñ kyuuñ des-bides phirāvat hai

kāñdhe par Daale burd-e-yaman hoñTan par kalme kī sumiran

dikhlā ke anā-basharun kī phaban tauhīd kā rañg jamāvat hai

mujh sā koī jag meñ kūrāh nahīñ more pāpan kī kuchh thaah nahīñ

yā-rabbiġhfirlī varhamanī ki tū rabb-e-ġhafūr kahāvat hai

sab mātā-pitā kul naarī us sayyadanā ke balihārī

yā-rabb-e-hablī ummat kī jo har ko kuuk sunāvat hai

ek māh-e-mudun gorā sā badan nīchī nazreñ kal kī ḳhabreñ

kamlī oḌhe zulfeñ chhoḌe dil chhīnat hai man bhāvat hai

avagun kī ghaTā.eñ haiñ chhā.īñ kirpā ho 'akbar' kī mā.īñ

ai kal-jug satjug ke sā.īñ tū kal kī laaj rakhāvat hai

nurun-min-nurillah se ahad ahmad ka rup dikhawat hai

kahun mim ki chadar oDhat hai kahun aap mein aap samawat hai

aisi bhi kya hai betabi kyun arsh pe aawat-jawat hai

hum jaanib hain tore man ki tu ummat ko baKHshawat hai

wallail ka laTka zulfan mein washshams ka miqna chitwan mein

ma-zagh ka surma nainan mein kya rup anup dikhawat hai

tujh sa nahin koi jahan mein dhani tori kirpa se mori baat bani

ya-sayyadana makki-madani tu rasul-e-karim kahawat hai

batha jangal taiba ban mein DhunDhat hun mulkan mulkan main

aa ja aa ja more nainan mein kyun des-bides phirawat hai

kandhe par Dale burd-e-yaman honTan par kalme ki sumiran

dikhla ke ana-basharun ki phaban tauhid ka rang jamawat hai

mujh sa koi jag mein kurah nahin more papan ki kuchh thah nahin

ya-rabbighfirli warhamani ki tu rabb-e-ghafur kahawat hai

sab mata-pita kul nari us sayyadana ke balihaari

ya-rabb-e-habli ummat ki jo har ko kuk sunawat hai

ek mah-e-mudun gora sa badan nichi nazren kal ki KHabren

kamli oDhe zulfen chhoDe dil chhinat hai man bhawat hai

awagun ki ghaTaen hain chhain kirpa ho 'akbar' ki main

ai kal-jug satjug ke sain tu kal ki laj rakhawat hai