امن کی وہ کتاب ہو جیسے
امن کی وہ کتاب ہو جیسے
خیر خواہی کا باب ہو جیسے
اس کی باتوں میں اس طرح ہے کشش
خلق کا وہ رباب ہو جیسے
اس کا انداز صبر ہے شاہد
غم کا وہ ہم رکاب ہو جیسے
یوں وہ اپنے کیے پہ ہے نازاں
قتل کرنا ثواب ہو جیسے
اپنی داڑھی سیاہ کرتا ہے
کار آمد خضاب ہو جیسے
اپنی سازش پہ ایسے اترانا
وہ بڑا کامیاب ہو جیسے
تجھ سے بچھڑا ہے جب سے یہ عنبؔر
لمحہ لمحہ عذاب ہو جیسے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
