جس کی نظروں میں ہو حسنِ رنگیں ترا، وہ بھلا جائے کیوں سوئے دیر و حرم

جس کی نظروں میں ہو حسنِ رنگیں ترا، وہ بھلا جائے کیوں سوئے دیر و حرم

اصل میں دین و ایماں تو ہی ہے مرا، مجھ کو کافی ہے بس تیرا نقشِ قدم

کوئی مدہوش ہے کوئی ساغر بکف، ساقیا میں ہوں اک بے نیازِ کرم

جام دے یا نہ دے کچھ نہیں اس کا غم، اس طرف دیکھ لے اک نظر کم سے کم

ذرہ ذرہ یہاں مست و مخمور ہے، جس طرف دیکھیے نور ہی نور ہے

زاہدِ خشک کچھ عقل سے کام لے، کوئے جاناں کہاں کوئی دیر و حرم

وہ بھی کیا دن تھے رہتی تھی لب پر ہنسی، اب نمایاں ہے چہرے سے سنجیدگی

آج کل اے پیامؔ اپنی حالت ہے یہ، ان کی یاد آئے اور ہوگئی آنکھ نم