haman asrar-e-wahdat ka nafi isbaat mein dekha

haman asrār-e-vahdat kā nafī isbāt meñ dekhā

sarāsar nūr-e-be-rañgī zuhūran zaat meñ dekhā

nafī jab tak na ho hargiz na paave zauq-e-asbātī

usī shatranj kā ham jītnā ab maat meñ dekhā

koī jo ho rahā āshaq alakh bechūñ munazzah par

arūp-o-rūp kā us ne liqā lamhāt meñ dekhā

na hove bul-havas rāġhib pyāle kā ba-pindārī

ki jām-o-teġh ham vallāh sajan ke haath meñ dekhā

kisī mansūr se pūchhā sabab ifshā-e-ma.anī kā

kahā maiñ matlab-e-vālā abhī is baat meñ dekhā

ye 'bedil' sun fī-anfosekum us ma.ashūq-e-hamdam se

ki ham-misbāh-e-ahadiyat usī mishkāt meñ dekhā

haman asrar-e-wahdat ka nafi isbaat mein dekha

sarasar nur-e-be-rangi zuhuran zat mein dekha

nafi jab tak na ho hargiz na pawe zauq-e-asbaati

usi shatranj ka hum jitna ab mat mein dekha

koi jo ho raha aashaq alakh bechun munazzah par

arup-o-rup ka us ne liqa lamhat mein dekha

na howe bul-hawas raghib pyale ka ba-pindari

ki jam-o-tegh hum wallah sajan ke hath mein dekha

kisi mansur se puchha sabab ifsha-e-mani ka

kaha main matlab-e-wala abhi is baat mein dekha

ye 'bedil' sun fi-anfosekum us mashuq-e-hamdam se

ki ham-misbah-e-ahadiyat usi mishkat mein dekha