ہمن اسرار وحدت کا نفی اثبات میں دیکھا

ہمن اسرار وحدت کا نفی اثبات میں دیکھا

سراسر نور بے رنگی ظہوراً ذات میں دیکھا

نفی جب تک نہ ہو ہرگز نہ پاوے ذوق اثباتی

اسی شطرنج کا ہم جیتنا اب مات میں دیکھا

کوئی جو ہو رہا عاشق الکھ بیچوں منزہ پر

اروپ او روپ کا اس نے لقا لمحات میں دیکھا

نہ ہووے بوالہوس راغب پیالے کا بہ پنداری

کہ جام و تیغ ہم واللہ سجن کے ہاتھ میں دیکھا

کسی منصور سے پوچھا سبب افشائے معنی کا

کہا میں مطلب والا ابھی اس بات میں دیکھا

یہ بیدلؔ سن فی انفسکم اس معشوق ہمدم سے

کہ ہم مصباح احدیت اسی مشکات میں دیکھا