وہ اگر بن سنور گئے ہوں گے
وہ اگر بن سنور گئے ہوں گے
دیکھنے والے مر گئے ہوں گے
شامِ وعدہ اور انتظار ان کا
جانے وہ کس کے گھر گئے ہوں گے
تم بھی دیکھ آؤ مرنے والے کو
اب تو سب چارہ گر گئے ہوں گے
نیند آئی نہ ہوگی رات انہیں
نالے کیا بےاثر گئے ہوں گے
او سر راہ منتظر ان کے
وہ تو کب کے گذر گئے ہوں گے
تم بھی اہل جنوں کو پوچھتے ہو
کیا خبر ہے کدھر گئے ہوں گے
چاندنی کم یکایک اتنی قمرؔ
بام سے وہ اتر گئے ہوں گے
مأخذ :
- کتاب : تذکرہ شعرائے اتر پردیش جلد گیارہویں (Pg. 220)
- Author : عرفان عباسی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
