یاد تری ہے میرے جی کے ساتھ

یاد تری ہے میرے جی کے ساتھ

کچھ تو الفت ہے زندگی کے ساتھ

کہتے ہیں کیسی بے رخی کے ساتھ

کیوں بنا ہے کوئی کسی کے ساتھ

کچھ کہا تو کرو ٹھکانے کی

بات جو ہے وہ دل لگی کے ساتھ

رہ گیا کہہ کے میں ارے کوئی

لے اڑا دل ہنسی ہنسی کے ساتھ

تنکے چنتے ہیں نازنین ہوکر

بانکپن بھی ہے نازکی کے ساتھ

واعظو حور تم ہی لے لینا

ہم رہیں گے کسی پری کے ساتھ

ہم نہیں جب تو کچھ نہیں ہے قمرؔ

سارے جھگڑے ہیں زندگی کے ساتھ